ننګرهار کې د ولسوالیو ترویج مدیرانو سره د ستونزو حل او همغږۍ په موخه ناسته ترسره شوه
۵ زمری ۱۴۰۴ هـ.ش
۲ صَفَر المُظَفَّر ۱۴۴۷ هـ.ق
د ننګرهار د کرنې، اوبو لګولو او مالدارۍ رییس مولوي محمد ولي محسن د ۲۲ ولسوالېو عمومي مدیرانو سره د ستونزو حل، کارونو کې روڼتیا او ښې همغږۍ په موخه وکتل.
ښاغلي محسن مدیرانو ته وویل پخپلو ولسوالیو کې د بزګرانو او مالدارانو صادقانه خدمت وکړی او هم يي په کارونو کې روڼتیا، دفترونو پاک ساتل، حاضرۍ پابندي، د مؤسساتو د کارونو څارنه، د ولسوالی او کرنې ریاست مسؤلینو سره همغږۍ کولو سپارښتني وکړي.
د کرنیزو خدمتونو امر نعمت الله اکبري هم خبرې وکړې او په ولسوالیو کې د سبو،غلو دانو داصلاح شوي تخمونو پر ترویج ټینګار وکړ.
دغه راز مدیرانو هم خپلې ستونزې، غوښتنې او وړاندیزونه د ننګرهار د کرنې رییس سره شریکې کړې، چې د ننګرهار دکرنې رییس له لورې د همکارۍ او ستونزو حل ډاډ ورکړل شو.
