ننګرهار کې بڼوال او بزګرانو ته د «یوریا سپري» جوړولو لارې چارې ښول دکیږي
![ننګرهار کې بڼوال او بزګرانو ته د «یوریا سپري» جوړولو لارې چارې ښول دکیږي](https://www.mail.gov.af/sites/default/files/2019-12/79886581_2904004859624095_2470919012083564544_o.jpg)
۲۳ لېندۍ ۱۳۹۸
د ننګرهار د کرنې، اوبولګولو او مالدارۍ ریاست له خوا ددې ولایت بڼوال او بزګرانو ته د «یوریا سپري» جوړولو لارې چارې په عملي او نظري بڼه ښودل کیږي. د ننګرهار د کرنې ریاست چارواکي وایي، چې د بوټو د افتونو د کنټرول او دغه راز له چاپېریال څخه د بوټو د ناروغیو د پاتې شونو د له منځه وړولو په پار بزګران او بڼوالو ته د یوریاسپري د جوړولو د روزنیزو پروګرامونو لړۍ پیل شوې ده.
یوریا سپري د نباتي ناروغیو د کنټرول او مخنیوی په پار یو ارزان او مناسب محلول دی، چې د نباتاتو د ناروغیو د پاتې شونې د له منځه وړلو وړتیا لري یاد محلول ډېر نور ګټې هم لري او ترڅنګ یې د جوړلو چاره اسانه ده.