د بلخ ولسوالی د اوف ملک کلي د اوبو ویالې رغنیزو چارو څخه څارنه وشوه
۲۶ غبرګولی ۱۴۰۴ ه.ش
۱۹ ذُو الحِجَّةِ ۱۴۴۶ه.ق
د بلخ دکرنې، اوبولګولو او مالدارۍ ریاست د بلخ ولسوالۍ د کرنیزو خدماتو عمومي مدیر قاري محمد سلطاني د اوف ملک کلي د اوبو ویالې د پخولو چارو څخه لیدنه او څارنه وکړه. دغه پروژه د اکتید دفتر له خوا د «پیسو په بدل کې د کار» د پروګرام له لارې پیل شوې ده.
د څارنې پر مهال قاري محمد سلطاني د پروژې پر کیفیت، د کار د پرمختګ پر کچې او د اړوند تخنیکي معیارونو رعایت ته ځانګړې پاملرنه وکړه. نوموړي د دغې پروژې د عملي کیدو له امله د یاد دفتر له همکارۍ څخه مننه وکړه او زیاته یې کړه چې دا ډول پروژې د کرنیزو چارو په پراختیا او د اوبو مدیریت کې مهم رول لري.
د یادونې وړ ده، چې د اوبو دغې ویالې پخول به د کروندګرو لپاره د اوبو لګولو اسانتیاوې برابروي او د حاصلاتو په لوړوالي کې به رغنده اغېزه ولري.
