د کندهار کرنې ریاست کې د چارو د ښه ترسراوي او پرمختګ په موخه د همغږۍ غونډه دائره شوه
۱ غویی ۱۴۰۴ ه.ش
۲۳ شَوّالُ المُکَرَّم ۱۴۴۶ه.ق
د کندهار د کرنې، اوبو لګولو او مالدارۍ ریاست په مقام کې د یاد ریاست د کرنیزو چارو آمر مولوی شمس الرحمان موسا په مشرۍ د همغږۍ غونډه جوړه دائره شوه. دغه غونډه د ریاست د چارو د لا ښه والي، پر وخت ترسراوي او مؤثر مدیریت په موخه رابلل شوې وه، چې پکښې د یاد ریاست آمرینو، عمومي مدیرانو او یو شمېر مسؤلینو ګډون کړي وه.
د غونډې په پیل کې د کندهار دکرنې ریاست د کرنیزو چارو آمر مولوی شمس الرحمان موسا ټولو ګډونوالو ته د ریاست د چارو د اغېزناک تنظیم لپاره مهمې سپارښتنې وړاندې کړې، او د غونډې پر اجنډا یې ټینګار وکړ، څو هر آمریت او عمومي مدیریت خپلې ورکړل شوې دندې په مسؤلانه او اغېزمن ډول تر سره کړي.
ښاغلی موسا زیاته کړه، چې د نوي کال له پیل سره سم، ټول آمریتونه او عمومي مدیریتونه دې د تېر کال لاسته راوړنې او فعالیتونه، همداراز د روان کال لپاره ترتیب شوی پلانونه د ریاست له مقام سره شریک کړئ.
په پای کې، د ریاست آمرینو او مدیرانو خپلې ستونزې، وړاندیزونه او مشورې شریکې کړې او هیله یې وښوده چې خپل چاري به پر وخت او ښه ډول ترسره کوي.
