خوست کې د کبانو روزنې او هچرۍ جوړولو پروژې چارې وڅارل شوې
د خوست ولایت کرنې، اوبو لګولو او مالدارۍ ریاست پلاوي په داسې حال کې، چې د یاد ریاست سلاکار بهیرګل صابري یې ملتیا کوله د کب روزنې او هچرۍ جوړولو پروژې د چارو نظارت ترسره کړه. د دې څارنې پرمهال یاد پلاوي د پروژې د کارونو د نقشې او پلان مطابق پر پرمختګ ټینګار وکړ.
د کبانو د هچرۍ دا پروژه چې د تولید او ساتنې یو مهم اقدام دی، د کبانو نسل پراختیا، خلکو ته د کار برابرول او د تولید پروسې اغېزمنتیا یې موخې دي. د پروژې بشپړېدل به د کبانو د روزنې او ساتنې معیارونه لوړ کړي او د محلي ټولنې لپاره اقتصادي او اجتماعي پرمختګ ته زمینه برابره کړي. د یاد فامر معیاري ډول جوړېدل به د خوست ولایت لپاره د کبانو په برخه کې یوه ګټوره پانګونه وي.
