هلمند کې د مصنوعي القاح مرکزونو څخه څارنه وشوه
۲۴ وری ۱۴۰۴ ه.ش
۱۵ شَوّالُ المُکَرَّم ۱۴۴۶ه.ق
دهلمند ولایت د کرنې، اوبولګولو او مالدارۍ ریاست اړوند د مالدارۍ او حیواني روغتیا آمریت امر او تخنیکي کارکوونکو له خوا د هلمند ولایت په مرکزي سیمه کې د غواوو د القاح لپاره د استفادې کېدونکو سټراګانو (سپرمونو) د پلورنځایونو څخه لیدنه او نظارت وکړ.
په یاد نظارت کې، هغو سټراوو ته پاملرنه وشوه، چې د مالدارۍ ریاست له لوري د استفادې لپاره مجاز پېژندل شوي، او همدارنګه هغه سټراوي هم وڅېړل شول، چې غیرمجاز ګڼل کېږي.
د لیدنې پر مهال، د سپرمونو پلورونکو ته د القاح د سپرمونو د سمو تطبیقؤنو او پلور په اړه لازم پوهاوی ورکړل شو، څو هلمندي مالداران وکولای شي له اغېزمنو او باکیفیته سپرمونو څخه ګټه واخلي.
د دغو هڅو موخه د مالدارۍ سکتور کې د غواوو نسلونه لا ښه او اصلاح کول، او مالداران د پرمختلليو القاحي میتودونو له لارې لوړ تولیدات ترلاسه کول دي.
د هلمند د کرنې، اوبولګولو او مالدارۍ ریاست هڅه کوي، چې د څارویو روغتیا او د نسل د اصلاح په برخه کې هر اړخیزې هلې ځلې وکړي.
