د خوست علیشېرواو تریزیو ولسوالی کې شنې خونې جوړېږي

دخوست دکرنې، اوبولګولو او مالدارۍ ریاست چارواکي وایي، چې د وېژن شرکت په تخنیکي همکارۍ او د ملګرو ملتونو پراختیايي پروګرام په مالي ملاتړ په دې ولایت کې د موسمي سبو د کرکیلې دودولو او د بزګرانو د ملاتړ په پار شنې خونې جوړېږي.
د خوست دکرنې ریاست چارواکي وایي، چې دغه شنې خونې د خوست ولایت د علیشېر او تریزیو ولسوالی په « بلاوټ، سيندخور، هارون خېلو، تورې اوبه کوز کلی، شاويه، قدم، تروشۍ، حکيم، علام حسين، مٶمن او ځدرانو» کلیو کې جوړېږي، چې رغنیزې چارې به یې په نږدې راتلونکي کې پیل او تر بشپړېدو وروسته به ګټې اخیستنې ته وسپارل شي.
دغه شنې خونې په ټولو موسمونو کې سابه او ترکاریو ته د خوست ولایت د علیشېر او تریزیو ولسوالی د خلکو د لاس رسي، د موسمي تولیداتو زیاتوالی او په بازارونو کې د کرنیزو حاصلاتو د ډېرښت په پار په دې ولسوالی کې جوړېږي.