خوست کې په لومړي ځل د جوارو او سویابینو اصلاح شوي تخمونه تولید شو
۴ کب ۱۴۰۳ه.ش
۲۳ شَعبان المُعَظّم ۱۴۴۶ه.ق
د خوست دکرنې، اوبولګولو او مالدارۍ ریاست چارواکي وایي، چې د یاد ریاست اړوند د څېړنو مدیریت له لورې په لومړي ځل په دې ولایت کې د جوار او سویابینو اصلاح شوي مورني تخمونه تولید شوي.
د خوست دکرنې ریاست چارواکي وایي، چې د څېړنو د لوی مدیریت د څېړنو په پایله کې د جوارو او سویابینو ژر رسه او ثمربخش نژادونه تولید او د کرنې وزارت د تخمونو تصدیق ورکونې ریاست له خوا تایید شوي دي.
د خوست دکرنې، اوبولګولو او مالدارۍ ریاست هلې ځلې کوي، چې په دې ولایت کې اصلاح شوي کرنیز تخمونه تولید او د بزګرانو په واک کې ورکړي، ترڅو ورسره د بزګرانو اقتصادي ودې ته زمینه برابره شي.
