د هلمند ناوه کې سلګونو کسانو ته د طبیعي ځنګلونو او علفچرو ساتنې په هکله پوهاوی ورکړل شو
۱۲ مرغومې ۱۴۰۳ه.ش
۱ رَجَب المُرَجَّب ۱۴۴۶ه.ق
دهلمند ولایت د کرنې، اوبولګولو او مالدارۍ ریاست له خوا ددې ولایت د ناوې ولسوالی د کرنیزو خدمتونو مدیریت کارکؤنکو په ملتیا سلګونه کسانو ته د ځنګلو، څړځایونو او طبیعي سرچینو په اړه عامه پوهاوی ورکړل شو.
په دې پروسه کې د کرنې ریاست اړوند دطبیعي سرچینو امریت اړوند د ناوې ولسوالی د ځنګلونو او څړځایونو د مدیریت کارکؤنکو لخوا په دغې ولسوالی کې د ځنګلونو او څړځایونو د بېلابېلو سیمو څخه څارنه او ارزونه هم ترسره شوې ده، چې په ترڅ کې یې ځایي اوسیدونکو ته د ځنګلونو ارزښت اواهمیت په اړه پوهاوی ورکړل شو.
ځنګلونه او څړځایونه په طبیعت کې حیاتي ارزښت لري او د چاپېریال، اقتصاد، او ټولنیز ژوند په ښه کولو کې مهمه ونډه لري.
د ځنګلونو او څړځایونو ساتنه نه یوازې د طبیعت د بقا لپاره مهمه ده، بلکې د انسانانو ژوند او راتلونکي ته هم حیاتي اهمیت لري، د یادو سیمو ساتنه او سم مدیریت زموږ د ټولنې د پرمختګ یوه مهمه اړتیا ده، په همدې موخه د هلمند د کرنې ریاست ورته ځانګړې پاملرنه کوي او د بیا احیاء لپاره یې یولړ پروګرامونه تر لاس لاندې لري.
