دهلمند ولایت بولان څېړنیز فارم کې د غنمو د تخمونو ازمايښتي کرنه پیل شوه
۲۰ لېندۍ ۱۴۰۳ه.ش
۹ جُمَادَى الثاني۱۴۴۶ه.ق
دهلمند ولایت د کرنې، اوبولګولو او مالدارۍ ریاست اړوند د سوېل لویدیځ زون د تخمونو تصدیق ورکولو آمریت له لوري د بولان څېړنیز فارم کې د غنمو ٦١٢ نمونې د تحقیق او څېړنو په موخه کرلکېږي.
پر دغو غنمو د لابراتوار مدیریت مسلکي کارکوونکو لخوا د ننداریزو قطعاتو په توګه څېړنې ترسره کېږي، تر څو د غنمو د ښو او د لوړو حاصلاتو لرونکو ډولونو تشخیص پکې ترسره شي.
په همدې توګه د سوېل لویدیځ زون د تخمونو تصدیق ورکولو آمریت هڅه کوي، ترڅو هغو تخمونو ته د کرلو جواز ورکړي، چې لوړ حاصل ورکوي او د ناروغیو په مقابل کې مقاومت ولري.
