د کرنې وزارت د اراضۍ ریاست د جيوديزي او کدستر لوی رییس د پغمان ولسوال سره وکتل
۱۴ لېندۍ ۱۴۰۳ه.ش
۳ جُمَادَى الثاني۱۴۴۶ه.ق
د کرنې، اوبولګولو او مالدارۍ وزارت د اراضۍ لوی ریاست د جیوډیزي او کډسټر عمومي رییس مولوی سعیدالرحمن مظهري، د یاد ریاست د غیر رسمي ښاري سيمو د ثبت رییس مولوي عبدالصمد پاڅون په شتون کې، د کابل ولايت د پغمان ولسوالی ولسوال الحاج قاري علي محمد مجاهد، د پغمان ولسوالی مرستیال مولوي محمد اعظیم حیدري او په باغ داود کې مېشت يو شمېر اوسېدونکو سره وکتل.
په پیل کې د اراضۍ ادارې د د جیوډیزي او کډسټر عمومي رییس په باغ داود کې د نجيب زراب ښارګوټي ځايي اوسېدونکو د جایدادونو په اړه خبرې وکړې وويل: «د عدليې وزارت ځمکو له غصب څخه د مخنیوي او د غصب شویو ځمکو د استرداد کمېسیون لخوا د باغ داود ټوله سيمه امارتي تثبيت شوې او په پام کې ده، چې په دغه ځمکه باندې جوړ شوي ټول کورونه د اراضۍ ریاست لخوا مستحقو کسانو ته په اجاره ورکړل شي.»
ورپسې د کابل ولايت پغمان ولسوال او د اراضۍ لوی رياست يو شمېر مسؤلينو د يادې موضوع په تړاو په خپل وار خبرې وکړې او د دغه کار د اجراآتو او همدارنګه په دغه ښارګوټي کې مېشت اوسېدونکو د ستونزو د حل په موخه يې لازمې لارښونې هم وکړې.
