خوست کې ۳۴۶ بزګرانو ته د غنمو اصلاح شوي تخمونو او سرې مرسته ووېشل شوه

۲۴ لړم ۱۴۰۳ه‍.ش
۱۲ جُمَادَى الأول ۱۴۴۶ه‍.ق
د خوست ولایت علیشیرو او تریزیو ولسوالیو کې ۳۴۶ مستحقو بزګرانو ته د غنمو اصلاح شوي تخمونه او کیمیاوي سرې ووېشل شوې. دغه مرسته د خوست د کرنې، اوبو لګولو او مالدارۍ ریاست او د (ان اې سي) مؤسسې په همکارۍ، د علیشیرو او تریزیو ولسوالۍ د کرنیزو چارو عمومي مدیریت تر څار لاندې ترسره شوه.
په دې وېش کې هر بزګر ته ۵۰ کیلوګرامه د غنمو اصلاح شوی تخم، ۵۰ کیلو توره سره او ۵۰ کیلو سپینه سره ورکړل شوه. یاده مرسته د بزګرانو حاصلاتو لوړولو، کرنیزو فعالیتونو پیاوړتیا او د بزګرانو اقتصادي وضعیت ښه کولو په موخه چمتو شوې ده.
د کرنې ریاست په وینا، دغه ډول پروګرامونه په خوست کې د کرنې د پرمختګ او د بزګرانو ملاتړ لپاره مهم ګڼل کېږي.