د ننګرهار وادي کرنیز امارتي شرکت لوی رییس د کرنې او مالدارۍ د تولیداتو خونې له رئیس سره وکتل
۱۹ لړم ۱۴۰۳ه.ش
۷ جُمَادَى الأول ۱۴۴۶ه.ق
د ننګرهار وادي کرنیز امارتي شرکت لوی رییس سید محمد نعیم «محمدي» په خپل کاري دفتر کې د کرنې او مالدارۍ تولیداتو خونې رئیس اجمل رحماني او نورو اړوندو مسؤلینو سره وکتل. په دې ناسته کې د ننګرهار کانال امارتي شرکت د کرنیزو چارو رییس انجینر محمد جمیل «خوشحال»، د املاکو سرپرست امر نبي جان «اغا» او څو نورو مسؤلینو هم ګډون درلود. د ناستې پر مهال د کرنې او مالدارۍ تولیداتو خونې اړوند پروسس کوونکو کارخانو لپاره د هډې فارم دویم بلاک کې د مناسبې ځمکې ورکړې او د پخوانیو کارخانو قراردادونو د تمدید موضوعات وڅېړل شول.
د ناستې په پای کې د ننګرهار کانال امارتي شرکت لوی رییس سید محمد نعیم «محمدي» له لوري ډاډ ورکړل شو، چې د قانون او اصولو په رڼا کې به د ټولو ستونزو د حل په برخه کې بشپړه همکاري کېږي.
