دهلمند موسیٰ کلا کې پر سلګونو کسانو نغدې پیسې ووېشل شوې
١ تله ۱۴۰۲ه.ش
٨ ربیعالاول ۱۴۴۵ه.ق
دهلمند ولایت موسیٰ کلا ولسوالۍ نږدي ٤٥٠ تنو ځايي اوسېدونکو ته چي، د شاجوی د سیمې د ویالې پاکولو چارې یی د ٤٥٠ تنو لخوا سرته رسولي وې د کار په بدل کې هر نفر ته ٣٥٠٠ افغانیو وېشلو پروسه پای ته ورسېد.
د یادو کسانو د کار په پایله کي د ٧.٥کیلو متره ویالې پاکولو چارې سرته رسیدلي دي چې، له لارې یې سلګونه هکتاره کرنیزه ځمکه خړوبېږي چي، د سیمې بزګرو او ځمکوالو ته یې ګڼې اسانتیاوي رامنځته کړي دي.
ددې ترڅنګ د یوې بلې پروسې له لارې د یادې ولسوالی ٢٤٧ بزګرو ته هر نفر ته ١٧٥٠٠ افغانۍ ووېشل شوې.
ددې پروسې مالي چاري د ژغورني نړیوال پروګرام په همکارۍ تمویل شوي دي چې، دکرني ریاست ترڅنګ د سیمې د مسؤلو ادارو سره په پوره هماهنګۍ پای ته ورسېدلې.
د یادوني وړ ده چې، په ورته وخت کې د سیمې ولسي وګړو د کرني ادارې تر څنګ د ټولو مسؤلینو څخه مننه وکړه چې، په دې برخه کې یې لاسنیوی وکړ او غوښتنه یې وکړه، چې دا ډول اساسي چارو ته دې دوام ورکړل سي ترڅو په یادو برخو کې یی پرتې ستونزې حل شي.
