هلمند کې د کرنې د ودې او پراختیا په پار د همغږۍ غونډه
١ تله ۱۴۰۲ه.ش
٨ ربیعالاول ۱۴۴۵ه.ق
د هلمند ولایت د کرنې، اوبولګولو او مالدارۍ رییس الحاج مولوي نظرمحمد صدیقي ددې ادارې له امرینو او د کرنې برخې له متخصصینو سره د همغږۍ ناسته وکړه.
په یاده ناسته کې د کرنیزو چارو آمر، د ځمکو آمر، د طبعي سرچینو آمر، د اصلاح شوو تخمونو تصدیق ورکولو آمر، د مالدارۍ او حیواني روغتیا آمر او کرنې ادارې لپاره د کرنې د برخې متخصص برخه اخیستې وه.
د هلمند دکرنې رییس د یادې ناستې موخه په هلمند ولایت کې د کرنې سکتور د ودې او پراختیا په برخه کې د نظرونو، وړاندیزونو او ستونزو شریکول دي، ترڅو وکولای شو د هلمند ولایت د بزکرو، مالدارو او بڼوالو په کرنیز اقتصاد کې بهبود او نوښت رامنځته کول وبلل.
په پورته یادو مواردو کې د کرنې ریاست اړونده آمرینو پخپلو برخو کې لازم معلوماتونه د غونډې ګډونوالو سره شریک کړل.
ددې ترڅنګ د کرنې په برخه د نوي ګمارل شوي متخصص انجنیر جان آغا رسولي چې د کرنې محترم وزارت لخوا د ازاد رقابت له لارې په دې ولایت کې تقرر حاصل کړی دی هم د غونډې ګډونوالو ته وپېژندل شو او له هغه غوښتنه وشوه ترڅو د خپلې دندې د لایحې له مخې ددې ولایت په کرنیزه وده او پراختیا کې خپلې طرحې ترتیب او د عملي تطبیق په موخه عالي مقاماتو سره د شریکولو په پار چمتو کړي.
