لوګر کې د کرنیزو محصولاتو د پلور بیې ټاکلې په پار د همغږۍ غونډه دائره شوه
۱۱ زمری ۱۴۰۲ه.ش
۱۵ مُحَرَّمُ الحَرام ۱۴۴۵ه.ق
د لوګر پّ ولایت کې د کرنیزو ځمکو څخه د لاسته راغلو حاصلاتو د پلور، بازار موندنې او ورته د ځانګړې بیې ټاکلو په پار د همغږۍ ګډه ناسته تر سره شوه.
په همدی موخه د لوګر ولایت د کرنې، اوبولګولو او مالدارۍ ریاست په مقام کې د لوګر دکرنې، اوبولګولو او مالدارۍ رییس مولوی سید امین هاشمی په مشرۍ ګډه ناسته جوړه شوی وه، چې پکې د لوګر ښاروالۍ، صنعت او سوداګرۍ، سوداګرۍاوپانګونې خونې او مستوفیت مسؤولینوګډون کړي وو.
په ناسته کې د پانګوالو او بزګرانو پر ستونزو او ورته د حل لاری موندلو همدا راز په دغه ولایت کې د کرنیزو ځمکو څخه د لاسته راغلو حاصلاتو په ځانګړې توګه د رومیانو د پلور او ورته د بازار موندنې او ټاکلي پیې معلومولو اړوند لازمي خبرې اترې وشوې.
د لوګر ولایت بزګران او پانګوال وایي، دوی ته دې د بانجانو ټاکلي بیه ورکړل شي ترڅو د بزګرانو ستونزې هم پکې تر یو حده حل شي.
