میدان وردګو کې پر ۵۶۹ مالدارانو د مالدارۍ اړونده توکي ووېشل شول
۴ زمری ۱۴۰۲ه.ش
۹ مُحَرَّمُ الحَرام ۱۴۴۵ه.ق
د میدان وردګو ولایت دکرنې، اوبولګولو او مالدارۍ ریاست د کرنې پراختیا صندوق په مالي او د افغانستان لپاره د هالنډ کمېټې په تخنیکي همکارۍ ددې ولایت پر ۵۶۹ مالدارانو د مالدارۍ اړونده توکي وېشلي دي.
د چارواکو په خبره ددې مرستې په لړ کې پر یادو مالدارانو د شړمبو جوړولو ۳۳۳ ماشینونه، د پنیر جوړولو ۱۶۳ ماشینونه او ۷۳ د کورتو جوړولو بکسي شامل دي.
د میدان وردګو ولایت دکرنې ریاست په خبره د شېدو د پروسس د ماشینونو د وېش موخه د نوي ټکنالوجۍ ترویج، د شېدو پاکوالي ښه مراعتول، د مالدارانو اقتصادي پیاوړتیا او د باکیفیته حیواني محصولاتو په موخه ورکړل شو.
