میدان وردګو کې څارویو ته د طاعون پر وړاندې د واکسینو کمپاین پیل شو
۲۸ چنګاښ ۱۴۰۲ه.ش
۲ مُحَرَّمُ الحَرام ۱۴۴۵ه.ق
د میدان وردګو ولایت د کرنې، اوبولګولو اومالدارۍ ریاست افغانستان لپاره د هالند کمېټې په همکارۍ ددې ولایت وړو شخوند وهونکو څارویو لپاره د طاعون واکسین او کمپاین پیل کړی دی.
د میدان وردګو ولایت د کرنې ریاست د چاروکو په خبره ددې کمپاین په ترڅ کې ۲۵ زره وړو شخوند وهوونکو څارویو ته د طاعون واکسین ورکول کېږي.
یاد کمپاین د میدان وردګو ولایت د مرکز په ګډون ددې ولایت د سیدآباد، جغتو، جلریز او چک ولسوالیو کې پلي کېږي.
