د ننګرهار دکرنې رییس ددې ولایت د ګمرک رییس سره وکتل
٢۵ چنګاښ ۱۴۰۲ه.ش
٢۸ ذی‌الحِجّة ۱۴۴۴ ه.ق
د ننګرهار دکرنې، اوبولګولو او مالدارۍ رییس مولوي عبدالستار محمد د خپل کار په دفتر کې د ننګرهار ګمرک رییس حاجي ابرار سره د کتنې په ترڅ کې د کرنې او مالدارۍ د صادراتو او وارداتو په هکله خبرې وکړې.
د ننګرهار دکرنې، اوبولګولو او مالدارۍ رییس مولوي عبدالستار محمد د ګمرک رییس ته دنباتي او حیواني روغتیایي تصدیق په برخه کې چې د کرنې، اوبولګولو او مالدارۍ ریاست کارکوونکو له لورې ورکول کېږي د ګمرک کارکونکو همکاري اړینه وبلله .
په دې کتنه کې دغه راز د سبو او مېوو په صادراتو او وارداتو کې د اسانتیاوو برابرول، د ګمرک او کرنې ریاستونو ترمنځ غوره همغږۍ، د اموالو لیدل، د تورخم د ځمکې انتقال او ګنو نورو مسایلو بحث او دنظرونو تبادله ترسره شوه.
د ننګرهارګمرک رییس حاجي ابرار دننګرهار د کرنې، اوبولګولو او مالدارۍ رییس ته د هر راز همکارۍ ډاډ ورکړ.
