پکتیا کې پر یوشمېر بڼوالو کیمیاوي سرې ووېشل شوې

د پکتيا ولايت د کرنې، اوبولګولو او مالدارۍ رياست له لورې د سولې ریښې موسسې په ملاتړ ددې ولايت د مرکز ګردیز په ګډون احمد ابا، سيدکرم، ځاځی اریوب او زرمت ولسواليو پر ۱۱۶  هغه بڼوالو چې تر دې وړاندې د سولې ریښې مؤسسې لخوا ورته  ۳۲۷ جریبه بڼونه جوړ شوی وو کیمیاوي سری وویشل شوې.
په يادو مراسمو کې د پکتیا کرنې، اوبولګولو او مالدارۍ رياست د کرنيزو چارو آمر عبدالله حلیم زی، د سولې ریښې مؤسسې مسئول عبدالرحمن رحمتي، بڼوالو  او قومي مشرانو ګډون کړی وو.
د پکتیا ولایت د کرنې، اوبو لګولو او مالدارۍ رياست د کرنیزو چارو آمر عبدالله حلیم زی  په خپلو خبرو کې وويل، چې د ياد پروګرام له لارې هر جریب بڼ ته ۲۵ کيلو ګرامه توره سره او ۵۰ کيلو ګرامه سپينه سره په وړيا ډول ورکړل شوي دي.
  د پکتیا دکرنې ریاست چارواکو ددې ولایت له بڼوالو وغوښتل ترڅو دبڼوالۍ مسلک ته وده ورکړي او زیاته یې کړه، چې دوی هڅه کوی په دی برخه کې بڼوالو ته لازمې اسانتیاوې برابرې کړي.
له وېشل شویو مرستو موخه په دغه ولایت کې د بڼوالو لاسنیوی او د بڼوالۍ مسلک ته وده ورکول ښودل شوی دی.