کونړ کې د ځمکې غصب او غصب شويو ځمکو بېرته راکرځولو کمېټې غونډه
۲۱ چنګاښ ۱۴۰۲ه.ش
۲۴ ذیالحِجّة ۱۴۴۴ ه.ق
دکونړ د امارتي (سلطاني) عامه مرعي او وقفي غصب سوو ځمکو، د غصب مخنيوي او استرداد کمیسون اړوند، د تخنیکي پلاوی رييس مولوی شېرآقا (پیر حبیب الرحمن) په مشرۍ ناسته ترسره شوه.
یادې کمیټې د معمول سره سم دکونړ د کرنې ریاست کې خپل منځي ناسته وکړه، په ناسته کې د خلکو د عریضو دموضوعاتو څېړنه او ارزونه ترسره شوه.
په یاده ناسته کې د امارتي (سلطاني) عامه مرعي او وقفي غصب شویو ځمکو، د غصب مخنيوي او استرداد کمیسون، دکونړ د کرنې، اوبولګو او مالدارۍ وزارت او د کونړ ولایت مقام لخوا تخنیکي پلاوی ته د محول شویو موضوعاتو له هر اړخیزې څېړنې وروسته لازم اجرائت ترسره شول.
ددې غونډې په ترڅ کې دغه راز د یوشمېر کسانو عریضې او دسیې هم وڅېړل شول او ترڅنګ یې د بهراباد لیسې موضوع هم د غونډې ګډونوالو ته وړاندې شو، همداراز د کډوالو وزارت د ښآرګوټې موضوع باندې هم خبرې وشوې.
له غونډې وروسته د تخنیکي پلاوي غړو د کونړ ولایت مقام کې ددې ولایت والي سره وکتل او د تخنیکي پلاوي دندې او صلاحیتونه یې ورسره شریک کړل. په دې کتنه کې د کونړ والي ددې ولایت د تخنیکي پلاوي له غړو سره د هراز همکاریو ژمنه وکړه.
باید وویل شي، چې د کونړ ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
