د ننګرهار کانال شرکت: خپلو ځمکو څخه د سالمې ګټې اخیستنې او خلکو ته د کاري زمینې برابرولو په پار هلې ځلې کوو

۱۹ چنګاښ ۱۴۰۲ه‍.ش
۲۲ ذی‌الحِجّة ۱۴۴۴ ه‍.ق
د ننګرهار کانال شرکت چارواکي وایي، هلې ځلې کوي چې له خپلو ځمکو څخه سالمې ګټې پورته او ترڅنګ یې هېوادوالو ته کاري زمینې برابرې کړي.
په همدې موخه د يو ګډ پلاوي په شتون کې، چې مشري يې د ننګرهار کانال شرکت د دفتر امر قاري شکيل احمد خېرخواه کوله د ډرونټې ورکشاپ سیمه کې درې نيم جريبه ځمكه داوطلبي شوه. 
دننګرهار کانال شرکت د ډرونټې بازار سیمه کې ستر تخنيكي ورکشاپ لري؛ ددې ورکشاپ تر څېرمه درې نيم جريبه هغه ځمکه چې کابو څلويښت کاله ترې ګټه نه وه اخیستل شوې، بلندابه او مخروبه وه اوس د ازادي او رڼې داوطلبۍ وروسته د اوه تنو داوطلبانو له ډلې تاج محمد پنوم کس في جريب د کال په 160زره 500 افغانۍ چې ټوله درې نيم جريب ځمکه د کال 561750 ګټوونکې شو. 
د قاري شکيل احمد خېرخواه په ټکو دغه اجاره اوسمهال یاد کس ته د یوه کال لپاره ورکول شوه، د کرنې وزارت له لوري د نوي  طرزالعمل  په راتګ سره سم به  ورسره د طرزالعمل له مخې کړنه کوو . 
باید وویل شي په دې درې نيم جریبه ځمکې به یاد کس د موټرو تمځای جوړوي او یوه اندازه مصارف به پرې کوي .