د ننګرهار د کرنې ریاست: دچرګانو د دانې تولیدي کارخونو څارنه او ارزونه وشوه 

۱۸ چنګاښ ۱۴۰۲ه‍.ش
۲۱ ذی‌الحِجّة ۱۴۴۴ ه‍.ق
د ننګرهار د کرنې، اوبولګولو او مالدارۍ ریاست له لورې د شیخ مصري صنعتي ښارګوټي کې د چرګانود دانې له تولیدي کارخونو څارنه او هر اړخیزه ارزونه ترسره شوه.
د ننګرها ردکرنې ریاست د مالدارۍ خدمتونو او څارویو  روغتیا امر ډاکتر محمد ضمیر بهسودې په مشرۍ ګډه کمیټه د چرګانو دانې تولیدې  کارخونو کې د داني د کیفیت،  کمیت، لابراتوار، بسته بندۍ او  خامو موادو له ګودامونو څخه لېدنه وکړه.
د غه راز د کمیټي له لورې د تولیدی کارخونو مسولینو ته د کرنې، اوبولګولو اومالدارۍ وزارت د نورمونو او پالېسي مطابق داني تولید او په مناسب نرخ یې فارم لرونکو ته د ورکړي سپارښتنې وشوې، ترڅو فارم لرونکي وهڅول شي او په اقتصادي برخه کې تر یو برېده  لاسنېوي وشي.
داکتر بهسودي وویل ننګرهار کې ۱۸ تولیدي کارخونې د چرګانو دانه تولیدوي، له یادو تولیدي  کارخونو د ورځې په سلهاوو ټنه دانه تولیدیږي، چې د ختیځ زون سربېره د افغانستان نورو ولایتونو ته صادرېږي  .
همدارنګه په یادو کارخونو کې لسګونو خلکو ته د کار زمینه هم برابره  شوې ده.