د ننګرهار دکرنې رییس د اسلاميک ریلیف مؤسسې چاراکو سره وکتل
۳۱ غبرګولی ۱۴۰۲ه.ش
۳ ذیالحِجّة ۱۴۴۴ ه.ق
د ننګرهار دکرنې، اوبو لګولو او مالدارۍ رییس الحاج مولوی عبدالستار محمد د خپل کار په دفتر کې د سلامیک ریلیف مؤسسې له چارواکو سره د نویو پروژو د پیل په موخه د همغږۍ غونډه تر سره کړه.
ددې غونډې په ترڅ کېد اسلامیک ریلیف مؤسسې چارواکو د ننګرهار د کرنې ادارې رییس ته د خپلو نویو پروژو د پیل په اړه معلومات ورکړل او زیاته يي کړه، چې د خوګیاڼو او شېرزادو ولسوالیو په بېلابېلو سیمو کې د پروژو په جریان کې ۱۴۰۰ کروندګرو سره د اصلاح شویو تخمونو او کرنیزو توکو مرسته ترسره شي، ۲۰۰ کروندګرو ته به حرفوي زده کړې ورکړل شي، د خاورو د تخریب او اوبو زېرمه کولو په موخه به غرنیزه سیمه کې د اوبو ډنډونه جوړ او تر څنګ به يي ۵۰۰۰ بوټي وکرل شي او همدا راز د وچو سیمو ۲۰۰ کروندګرو ته به اقلیم ته په کتو اصلاح شوي تخمونه ووېشل شي.
په همدې حال کې د ننګرهار دکرنې، اوبولګولو او مالدارۍ رییس الحاج مولوی عبدالستار محمد د اسلامیک ریلیف مؤسسې چارواکو ته د همکارۍ ډاډ ورکړ، او د پروژو په شفافه توګه د پلي کولو سپارښتنې يې وکړه، چې وروسته اړونده ولسوالیو ته رسماً وروپیژندل شول.
