خوست ښار کې د استراګانو پلورنځیو څخه څارنه وشوه
۳۰ غبرګولی ۱۴۰۲ه.ش
۲ ذیالحِجّة ۱۴۴۴ ه.ق
خوست کې د مالدارۍ سکټور د پراختیا په پار هلې ځلې کړندي شوي دي.
د دغو هلو ځلو په ترڅ کې د خوست د کرنې، اوبولګولو او مالدارۍ ریاست د هدایت سره سم د مالدارۍ خدمتونو امریت يو ګډ پلاوی د کمپاین په ترڅ کې د مصنوعي القاح د بې کيفيته استراګانو د خرڅلاو مخنیوی په موخه خوست ښار کې د استراګانو له پلورنځیو څخه څارنه ترسر شوه.
د څارني پر مهال ګډ پلاوی پلورونکو ته لازمې سپارښتنې وکړي او زیاته یې کړه، چې د مالدارۍ سکتور د پیاوړتیا په پار باید د بې کیفیته استراګانو له خرڅلاو څخه ډډه وشي، د سرغړونکو سره به قانوني چلند کئږي او بیا د شکایت حق نلري.
دخوست دکرنې او مالدارۍ ریاست چارواکي وایي، چې دغه کمپاین دوام لري او د خوست ښار په ګډون په ټولو ولسوالیو کې به هیچاته اجازه ور نه کړي، چې بې کیفیته استراګانې وپلوري.
