د ننګرهار والي؛ د کانال ریاست فعالیتونه د ستایلو دي
۷ غبرګولی ۱۴۰۲ه.ش
۸ ذو القعدة ۱۴۴۴ ه.ق
د ننګرهار والي، مولوی محمدنعیم اخند په داسې حال کې، چې د ننګرهار کانال رییس مولوی غلام الرحمن کظیم او یوشمېر نورو سیمه ییزو چاراکو یې ملتیا کوله د ننګرهار کانال له فعالیتونو او چارو څخه لیدنه وکړه.
د ننګرهار کانال رییس مولوی غلام ارحمن کظیم د ننګرهار والي ته ددې کانال اړوند د څاڅکي سیسټم په اوبوخور سمبال ۵۰۰ جریبه بڼ او د خرماوو ۶۵ جریبه بڼ د مالټې بڼونه او د هندواڼو له کروندو څخه د لیدنې پر مهال معلومات وړاندې کړل.
ښاغلی کظیم وویل:«د څا څکو يا ډراپ په لارې اوبه لگول د زیاتو اوبو د ضایع کېدو مخنیوي کوي، په دې طریقې سره په کم وخت کې زيات شمېر نباتات اوبه کېداي شي، په ځانګړي توګه د هغو ونو او نباتاتو د پاره چې په کتار کرل کېږي مناسبه طريقه ده.
د څاڅکې په طريقه اوبه لگول په خاورې کې د اوبو او هوا تر منځ د مناسب انډول د ساتلو له لارې د کرنيزو نباتاتو د ودې په زياتولو، د حاصل په لوړولو او د کيفيت په ښه کولو کې د پام وړ ونډه لري.»
د ننګرهار کانال رییس دغه راز وویل، چې د څاڅکو په طريقه اوبه لگول د نبات د پاڼو، تنې او مېوو سره د اوبو تماس کموي(پاڼې، تنې او ميوې نه لندېږي) او په نتيجه کې په ناروغيو باندې د نبات د اخته کېدو چانس کمېږي.
دغه راز کرنيز کيمياوي مواد لکه کيمياوي سرې، آ فت وژونکي ا و نورکيمياوي مواد د څاڅکې په طريقه د اوبو لگولو د لارې په ډېره اغېزمنه توگه استعمالېداى شي.
د یادو ګټو ترڅنګ د هرزه بوټو د ستونزې کمښت او د کرنیزو فعالیتونو مناسب ترسره کول ددې سیسټم نورې ګټې دي.
په همدې حال کې د ننګرهار والي مولوی محمد نعیم اخند د ننګرهار کانال د کړنو او فعالیتونو ستاینه وکړه او د ننګرهار کانال رییس سره یې د هرراز همکاریو ژمنه وکړه.
