لوګر کې د ځمکې غصب او غصب شویو ځمکو بېرته راګرځولو کمېټې هڅې
۱ غبرګولی ۱۴۰۲ه.ش
۲ ذو القعدة ۱۴۴۴ ه.ق
لوګر کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي خپلې هلې ځلې ګړندي کړي دي.
ددغو هلو ځلو په دوام یاد پلاوی د لوګر محمدآغې ولسوالی اړوند آوپران، بیکو، ملانیازګل او نیازیو سیمو ته کاری سفر وکړ.
په دغه سفرکې چې موخه یی دغصب شویو ځمکو څخه لیدنه او بېرته راګرځول ښودل شوی، مشري یې ددغه پلاوی رییس الحاج مولوی سیدامین هاشمي کوله په داسې حال کې، چې د پلاوي غړو او دمحمدآغې ولسوالی چارواکو یې هم ملتیا کوله دځینو سیمو څخه د لیدنې ترڅنګ یې د سیمې قومي مشرانو ته په بېلابېلو ناستو کې د لازمو لارښوونو سره له هغوی وغوښتل، ترڅو په دښتو کې له نویوکارونوپه کلکه ډډه وکړي.
همداراز ددې سفر په ترڅ کې د بیکو او ملانیازګل سیمو له قومي مشرانوسره په ناسته کې یادو خلکو په خپلو خبروکې د آوپران په دښته کې د مرعي ادعا درلوده د دوی په وینا چې اسناد هم پرلاس لري.
همدارنګه د دهنو سیمې له قومي مشرانو سره دولسوالی په مقام کې د ناستې په ترڅ کې خبرې وشوې او دوی زیاته کړه، د نیازیو سیمه چی ټول ټال ۲۱۲۱جریبه ځمکه ده د داود خان د واکمنۍ پر مهال دوی ته ورکړل شوی ده، خو اوس دځینو خلکو لخوا لاندې شوي او دوانۍ پرې جوړې شوي دي اسناد به یې له څېړلو وروسته دوسیه کې ځای پرځای او مرکزی کمیسیون ته به واستول شي.
