ننګرهار ته د کرنې وزارت د کرنیزو چارو سلاکار په ګډون د ګډ پلاوي سفر
دکرنې، اوبولګولو او مالدارۍ وزارت د مشرتابه په سپارښتنه ددې وزارت د کرنیزو چارو سلاکار عتیق الله مسلم او د منازعاتو دحل رییس مولوی محمد حنیف ګډ پلاوي سره د دفاع وزارت دتأسیساتو او دننګرهار ولايت د اراضي امریت کې د شته ستونزو دحل په موخه ننګرهار ولایت ته سفر وکړ.
ياد پلاوي ددې سفر په ترڅ کې د ننګرهار والي حاجي ګل محمد، د ختيځ زون د تأسیساتو رییس مولوي کامران، د ننګرهار دکرنې رييس الحاج مولوي عبدالستار محمد او د ننګرهار د مهمندرې له یوشمېر مستاجرینو سره په کتنه کې پر بېلابېلو موضوعاتو خبرې اترې وکړې.
ددغو کتنو په ترڅ کې د قراردادیانو کارونه او اسناد و څېړل شول او د اسنادونو تر ارزونې وروسته مستحقو قراردادیانو ته د دوی د فعالیتونو د بیا پیل اجازه ورکړل شول.
دغه راز یاد پلاوی ددې سفر په ترڅ کې د دواړو بنسټونو ترمنځ د منازعې اړوندو سیمو څخه تر لیدنې او راپور چمتو کولو وروسته وړیل، چې یاد راپور به لوړپوړو چارواکو ته وړاندې او وروستۍ پرېکړه به د لوړپوړو چارواکو له خوا ترسره شي.
