د ځمکو چارو لوی ریاست د استملاک او بیا میشتیدنې عمومي ریاستونو د څانګو د اغیزمنتیا په پار غونډه
۲۸ غویی ۱۴۰۲ه.ش
۲۸ شَوّال المُکَرَّم ۱۴۴۴ ه.ق
دکرنې، اوبولګولو او مالدارۍ د ځمکې چارو لوی رییس په مشرۍ جوړه شوې غونډه کې، چې د استملاک، د استملاکي پروژو د همغږۍ، د قبالو د اجرا او ثبت، د غیر رسمي ښاري سيمو د ثبت، د ځمکو د تنظيم او وېش او د تصفیې ریاستونو مسوولینو په کې برخه اخیستې وه، دیادو یاستونو د چارو پر ذغېزمنتیا خبرې اترې وشوې.
په دې غونډه کې د ځمکو ادارې لوی رییس ملا عبدالرحمن رحماني د یادو ادارو له مسوولینو څخه وغوښتل، چې د خپلو رياستونو په اړه د يو هراړخیز پریزنټیشن په ترڅ کې د خپلو کارونو او فعالیتونو د اغېزمنتيا په موخه د وزارت رهبرۍ ته په خلص ډول معلومات وړاندې کړي.
نوموړي دغه راز د اړوندو ادارو له مسوولینو څخه وغوښتل، چې د کرنې، اوبولګولو او مالدارۍ وزارت له رهبرۍ سره د خپلو ریاستونو په تېر، اوسني او راتلونکي کې د ترسره شویو مسوولیتونو او کاري فعالیتونو په اړه هم خبرې وکړي.
په پای کې د یادو ریاستونو مسوولینو د ځمکو ادارې له مشرتابه څخه د مننې ترڅنګ د هر ډول همکارۍ ژمنه وکړه.
