د ننګرهار کامه کې ٣١ د چرګانو فارم لرونکي روزل شوې
٢٣ غویی ۱۴۰۲ه.ش
٢٣ شَوّال المُکَرَّم ۱۴۴۴ ه.ق
د ننګرهار ولایت د کرنې، اوبولګولو او مالدارۍ ریاست د مالدارۍ خدمتونو او څارویو روغتیا امریت له لوري د دې ولایت کامې ولسوالی کې ۳۱ تنه د چرګانو فارم لرونکو ته د چرګانو ښه پالنه او تغذيي، د فارم ښه مدیریت، او حفظ الصحې په برخه کې روزنه ورکړل شوه.
ورته مهال د مالدارۍ خدمتونو او څارویو روغتیا امریت مسؤلینو په یاده ولسوالی کې د مالدارانو د ستونزو د حل په موخه د کامې ولسوالی مرستیال مولوی شاکر الله او د عشر او زکات مسؤل مولوی جمیل سره هم ناسته ترسره کړه، او د مالدارانو او فارمدارانو د ستونزو په اړه خبرې اترې وکړې، او د ستونزو د حل په موخه يي یو بل ته د همکارۍ ډاډ ورکړل.
