مېرمنو لپاره دکارموندنې هڅې: لغمان کې پر لسو مېرمنو د سبو او مېوو وچولو ماشینونه ووېشل شول

۲۰ غویی ۱۴۰۲ه‍.ش
۲۰ شَوّال المُکَرَّم ۱۴۴۴ ه‍.ق
د لغمان دکرنې، اوبولګولو او مالدارۍ ریاست د د ملګرو ملتونو د خوړو نړیوال پروګرام (WFP) په مالي او د (SARCDO) مؤسسې په تخنیکي همکارۍ ددې ولایت د قرغه یو ولسوالی پر ۱۰ ښځینه بزګرانو د سبو او مېوو وچولو ماشینونه وېشلي دي.
په دې اړه جوړه شوې غونډه کې د لغمان د کرنیزو چارو آمر بریالی همدرد وویل: «له مرستندوی مؤسسې څخه مننه کوم، چې لغمان کې یې اغیزمنې پروژې پلي کړي دي او راتلونکې کې هم د لا زیاتو مرستو هیله ترې کوو.په ختیځ زون کې د حاصلاتو د رسیدنې په وخت کې د نرخونو ټیټوالۍ او هوا ګرموالۍ بزګرانو ته ستونزې او مشکلات ایجادوي، چې له امله یې په اقتصادي لحاظ زیانمن کېږي، بزګران د خپلو محصولاتو د ساتنی لپاره مناسب ځایونه نلري، عین وخت کې سبزیجاتو او میوه جاتو د ساتنی توان هم کم ده، چې وچول یې بهترینه اسانه او ارزانه لاره ده.» 
 د یادونې وړ ده، چې د همکارو مؤسسو له لارې قرغه یې ولسوالی کې د بزګرانو درې ټولنې جوړې شوي دي، چې ټولټال ۱۵۰ بزګران پکې غړیتوب لري، هره ټولنه ۵۰ غړي لري، چې وار دمخه ورته د غنمو اصلاح شوي تخمونه، یوریا، ډی.ای. پي سره، بزګري وسایل، د غنمو ساتني لپاره کندو، د غنمو لو کولو اته ماشینونه وېشل شوي .
د لغمان دکرنې ریاست هڅه کوي، چې دکرنې وزارت اوهمکارو مؤسو په همکارۍ په دې ولایت کې اغېزناکې پروژې پلي  کړي، ترڅو د کرنیزو محصولاتو په کمیت او کیفیت کې زیاتوالۍ رامنځ ته کړي.