د ننګرهار کانال ریاست کې د مضره حشراتو پر وړاندې مبارزه پیل شوی دی
۱۸ غویی ۱۴۰۲ه.ش
۱۸ شَوّال المُکَرَّم ۱۴۴۴ ه.ق
د ننګرهار کانال ریاست چارواکي وایي، چې د مضره حشراتو د مخنيوي او لمنځه وړلو په موخه د هډې فارم دویم تفریحي پارک کې په شته بوټو او ګلانو درمل شیندل شوی دی.
هډې فارم دوه تفریحي پارکونه لري ، چې هره ورځ ورته ډلې ، ډلې درانه هېوادوال د ناستې او تفریح لپاره راځي.
د ننګرهار کانال د بوټو ساتنې امریت له لوري نن د کانال ریاست اړونده هډې فارم په دویم (پاس) تفریحي پارک کې په شته بوټو، نیالګیو او ګلانو د مضره حشرې د مخنیوي په موخه دوا شیندنه ترسره شوه.
ددې دواشیندنې موخه داده، چې د ياد پارک زيتون شته بوټي، نیالګي او ګلان د مضره حشرې د ګواښ نه په امن شي .
