کندزکې د پیازو د حاصلاتو کچه لوړه شوی
۱۶ غویی ۱۴۰۲ه.ش
۱۵ شَوّال المُکَرَّم ۱۴۴۴ ه.ق
په کندزولایت کې د تیر کال په پرتله د پیازو په حاصلاتو کې د پام وړ زیاتوالی راغلی دی.
د کندز ولایت د کرنې اوبولګولو او مالدارۍ رئیس مولوي امانالله حسن وايي: چې سږ کال د پیازو په حاصلاتو کې د پام وړ زیاتوالي راغلی، د نوموړي په وینا، سږ کال د دغه ولایت کروندګرو له هر جریب ځمکې څخه تر څوارلس ټنو پورې پیاز راټول کړي، چې دا شمېره د تېر کال په پرتله څو برابره ډېروالی ښيي.
بل خوا د دغه ولایت کروندګر د پیازو د حاصلاتو د زیاتوالي لامل په دغه ولایت کې د اصلاح شویو تخمونو کارول او پرله پسې بارانونه بولي.
د کروندګرو په وينا، د موسم مناسب شرايط او د اصلاح شويو تخمونو کارونه د دوي په حاصلاتو کې زياتوالى راوستى دى، خو د بازار موندنې او سړو خونو جوړولو په برخه کې د اسلامي امارت څخه د مرستې غوښتنه کوي.
