د پوستکې په ناروغۍ اخته شوي څاروي قرنطین شول

۱۶ غویی ۱۴۰۲ه‍.ش
۱۵ شَوّال المُکَرَّم ۱۴۴۴ ه‍.ق
د ننګرهار ولایت د بهسود په ولسوالۍ کې د پوستکې په ناروغۍ اخته شوي 30 غوایان قرنطین شول.
 د ننګرهار کرنې ریاست چارواکو په وینا د بهسود ولسوالۍ اړوند کامی پل ته څیرمه ديو قصاب له لوری 30 راسه مالونه چی دګاونډي هيواد  پاکستان څخه يی راوړي وو، په (LSD) یا د پوستکی په ناروغۍ اخته وه. چې د کرنی ریاست په لارښوونه دکرنيزو خدمتونو او  مالدارۍ خدمتونو مسؤلین په چټکې سره سیمې ته لاړل او هلته شته ټول مالونه یی قرانطین کړل او له قصاب څخه يی ضمانت واخيست چې نوموړی مالونه به په قرانطین شوي سیمه کې ساتي، همداراز شا اوخوا سیمو کې هم د کرنې ریاست اړوند ډاکټرانو له خوا درمل وشیندل شول، ترڅو نوموړی ناروغي يو ځل بيا خپره نه شي.
دیادونې وړده چې څه موده وړاندې هم یاده ناروغي له پاکستان څخه هيواد ته را لیږدل شوي وه، چې په ختيځ زون کې یي ډیر مالونه له مينځه يوړل.