کندهار کې د پستې څه باندې دوه زره جریبه بڼونه جوړ شوي دي
![کندهار کې د پستې څه باندې دوه زره جریبه بڼونه جوړ شوي دي](https://www.mail.gov.af/sites/default/files/2019-08/67766683_2633234166701167_144507838281023488_n.jpg)
۱۷ زمری ۱۳۹۸
د کندهار د کرنې، اوبولګولو او مالدارۍ ریاست وایي، چې د همکارو موسسو او خلکو په همکارۍ په تېرو درېوو کلونو کې په دې ولایت کې د پستې څه باندې دوه زره جریبه بڼونه جوړ شوي دي، چې ډېره ښه پایله یې هم ور کړې ده.
د کندهار د کرنې ریاست چارواکي وایي، چې په راتلونکو څو کلونوکې د انارو، انګورو او انځرو ترڅنګ پسته به هم ددې ولایت د صادراتو په لست کې شامل شي.
په کندهار کې د پستې دوه زره جریبه نوي بڼونه په داسې حال کې جوړ شوي دي، چې یاد ولایت د تازه مېوو له ډلې انګور او انارو په برخه کې مخکښ ولایت دی. د دغو بڼونو ښې پایلې نور کروندګر هم هڅوی، چې په خپلو ځمکو کې د پستې بڼونه جوړ کړي.