د ننګرهار کوټ کې یوشمېر بزګران وروزل شول
د ننګرهار د کرنې ریاست اړوند د کوټ ولسوالی د بوټو ساتنې مسؤلینو له لوري د یادې ولسوالی بنډوک، سه پای، حیدرخاني او فروخشاخېل کلیو کې یو شمېر کروندګرو ته د نباتاتو د تنې او ریښو ورستېدو او لښکري چینچو د مخنیوي برخه کې عملي او نظري روزنه ورکړل شوه.
د چارواکو په خبره ورته برخو کې کروندګرو ته په نورو کلیو کې هم روزنه ورکړ شوې وه، چې اوس یي فصلونه ښه دي او کروندګر خوښ دي او تمه کېږي چې لوړ حاصل به ورکړي، وروسته د تشویق لپاره کروندګرو ته په وړیا توګه یو اندازه کیمیاوی درمل هم ورکړل شول.
