لغمان کې د ځمکې غصب او غصب شويو ځمکو بېرته راکرځولو کمېټې اته دېرشمه غونډه

۲۹ وری ۱۴۰۲ه‍.ش
۲۷ رَمَضانُ المُبارَک ۱۴۴۴ ه‍.ق
لغمان کې د ځمکې غصب او غصب شويو ځمکو بېرته راکرځولو کمېټې غړو د لغمان دکرنې رييس  مولوی محمد ولي محسن په مشرۍ د لغمان د ښاروالۍ په رياست کې خپله اته دېرشمه غونډه دائره کړه.
د غونډې په پيل کې د لغمان دکرنې رييس او د کمېټې مشر مولوي محمدولي محسن لارښوونکې وینا ویلو ترڅنګ د تېرې غونډی دپریکړو دتطبیق ارزونه وکړه. په ورته مهال تخنیکي پلاوی د احصائې او معلوماتو ریاست په تعمیر دځمکې دشخص د ادعا دوسیه او هم دعلینګارولسوالۍ اړوند دپړوایي په سیمه کې د 112جریبه کرنیزې ځمکې باندې دسیمې داشخاصو دمرعې د عوې دوسیه ترتیب او دنهایي پریکړې او وروستیو کړنو لپاره مرکزي کمېسيون ته ولېږل شوې.
په دې غونډه کې دغه راز تخنیکي پلاوی دبصرام اړوند دخیرو بیله په سیمه کې دامارتي کرنیزې ځمکې داجاره دارانو داجاري دنه تحویلي او په دې ځمکه باندې د نوموړو اجاره دارانو د شخصي دعوې موضوع او هم  دتبۍ کونج اړوند د اکاخیلو او تره خیلو کوچي قومونو ترمنځ دمینو په سر د اوښتې لانجې موضوع چې دوسیه یې څه وخت وړاندې مرکزي کمېسیون ته لېږل شوې وه، چې اوس د مرکزي کمېسیون له خوا د ځمکې دمساحت، سکیج اوکروکي دمعلومولو په منظور تخنیکي پلاوي ته واپس استولې وه تخنیکي پلاوي په دواړو دوسیو بحث ترسره کړ دبحث په ترڅ کې پریکړه وشوه چې په نږدې راتلونکې کې به یاد پلاوي دتبۍ کونج ته ورځي او تر منازعې لاندې ځمکه به مساحت، کروکي او سکیج کوي.او د بصرام اړوند دخیرو بیلې دسیمې د اجاره شوې ځمکې په اړه پریکړه وشوه چې د تخنیکي ځمکوالۍ چارو امریت به د نوموړې ځمکې اړوند ټول  اسناد برابروي او تخنیکي هیئت ته به یې سپاري.
 د غونډې په وروستیو کې تخنیکي پلاوي دمرکز اړوند د دامان قلعه اوسیدونکي محمد زمان په نوم یوشخص چې په امارتي ځمکه کې په پټه توګه د تیلو پمپ جوړ کړی  په موضوع بحث ترسره او په ورته مهال یې له نوموړي متصرف شخص سره یې ولیدل او په ترڅ کې د موضوع په اړوند له متصرف شخص څخه ځینې اړینې پوښتنې هم وشوې دبحث او تصمیم نیونې څخه وروسته تخنیکي هیئت د مرکز مهترلام اړوند دامان قلعه سیمې ته لاړل او هلته یې د محمدزمان په نوم دمتصرف شخص دتیلو پمپ ځمکې او د نظرافشاه په نوم دمتصرف شخص د مارکیټ ځمکې د تثبیت او تشخیص په موخه له ساحې څخه له نږدې بررسي وکړه.