دکابل سروبي کې یوشمېر مالداران وروزل شول
۲۳ وری ۱۴۰۲ه.ش
۲۱ رَمَضانُ المُبارَک ۱۴۴۴ ه.ق
د کابل دکرنې، اوبولګولو او مالدارۍ ریاست وایي، چې د افغانستان لپاره د هالنډ کمېټې په همکارۍ ددې ولایت د سروبي ولسوالی ۲۰ مالداران روزلي دي.
د سروبي ولسوالی د کرنې ادارې چارواکي وویل، چې یاد ۲۰ مالداران د دې ولسوالی د حیواني روغتیا د ترویج کارکوونکو له خوا د مالدارۍ په بېلابېلو برخو کې روزنه ورکړل شو او ترڅنګ یې پر دوی د څارویو یوشمېر درمل هم وېشل شوي دي.
له دې پروګرام څخه برخمن شوي مالداران خوښ دي او د ورته نورو روزنیزو پروګرامونو غوښتونکي شول.
ددې روزنیز پروګرام د دائرولو موخه د مالدارنو وړتیاوې لوړول او په ټوله کې د مالدارۍ سکټور ودې او پراختیا ته زمینه برابرول دي.
