پکتيا کې دڅارویو د روغتیایي خدمتونو  ۵۲ کارکوونکو ته روزنه ورکړل شوه

۱۶ وری ۱۴۰۲ه‍.ش
۱۴ رَمَضانُ المُبارَک ۱۴۴۴ ه‍.ق 
د پکتيا ولایت د کرنې، اوبولګولو او مالدارۍ ریاست د مالدارۍڅانګې دڅارویو د روغتیایي خدمتونو دوړاندې کوونکو لپاره دغواګانو دمصنوعي القاح اړونده ۵۲ کارکوونکو  ته د خالد تشخیصیه کلینیک له لورې دوه ورځنۍ عملي او نظری روزنیز پروګرام ترسره شو.
 یاد روزنيز پروګرام  کې د پکتيا دکرنې او مالدارۍ رييس  مولوی عبدالروف سعید، د مالدارۍ څانګې آمر، د  مرکز ګردیز او ټولو ولسوالیودڅارویو د روغتیایي خدمتونو کارکوونکو او د خالد حیواني  اوتشخیصیه کلینیک مسؤولینو ګډون کړی وو.
د پروګرام د پیل په مراسمو کې د پکتيا د کرنې، اوبو لګولو او مالداری رييس مولوی عبدالروف سعید د پروګرام ګډونوالو ته ښه راغلاست ووایه او  د  یاد پروګرام په اړه يې له ګډونوالوسره  هر اړخیز معلومات شریک کړل او د پروګرام له ګډونوالو څخه غوښتنه وکړه، چې د یاد پروګرام څخه ښه استفاده وکړي،  په عملي سيمه کې ترې ګټه پورته کړي او مالدارۍ سکتور ته پراختیا ورکړئ.
همدارنګه د خالد تشخیصیه کلینیک له لورې نوموړی کارکونکو ته د مالدارۍ کیټونه هم ورکړل شو، چې په یادو کیټونو کی یوه چپنه، یوه جوړه موزې، دست کشې، ګن شیټ،  شیټونه شامل وو.
د پروګرام په پای کې د پکتيا د کرنې، اوبولګولو او مالدارۍ ریاست لخوا د پروګرام ترینرانو ته ستاینلیکونه هم ورکړل شول.