خوست کې د خامې کانال د رغولو چارې بشپړ او ګټې اخیستنې ته وسپارل شوه

۱۰ وری ۱۴۰۲ه‍.ش
۸ رَمَضانُ المُبارَک ۱۴۴۴ ه‍.ق
د خوست دکرنې، اوبولګولو او مالدارۍ ریاست وایي، چې د (TLO) همکارې مؤسسې په همکارۍ په دې ولایت کې د خامې کانال د رغولو چارې بشپړ او ګټې اخیستنې ته سپارل شوی دی.
په دې اړه جوړه شوې غونډه کې د خوست دکرنې رییس مولوی محمدزمان عمري او یوشمېر نورو سیمه ییزو چارواکو ګډون درلود.
په دې غونډه کې د خوست دکرنې رییس مولوی محمدزمان عمري وویل، چې یاد کانال ۱۳۷۵ متر اوږدوالی، ۱.۲۰ متره سور او یومتر لوړوالی لري، چې د نږدې ۱۰۰ زره امریکایي ډالرو په لګښت رغول شوی دی.
ښاغلی عمري، یادې مؤسسې له فعالیتونو څخه د مننې ترڅنګ له دوی څخه د استنادي دېوالونو، سربندونو، اصلاح شویو تخمونو، کیمیاوي سرو او داسې نورو مثمرو او بنسټيزو پروژو د پلي کولو غوښتنه وکړه.
دیادې پروژې په پلي کولو کې یوشمېر کسانو ته د کار زمینې برابرولو ترڅنګ ۱۳۲۰ جریبه ځمکه خړوبوي.
ددې پروژې موخه د اوبو مدیریت او د بزګرانو ګروندو ته پر وخت د اوبو رسول ښودل شوی دي.