د کونړ شيګل کې بزګرانو ته د اسانتيا برابرولو په پار پل ګټې اخيستنې ته وسپارل شوه
د کونړ د کرنې، اوبولګونې او مالدارۍ رياست د امريکا پراختيايي ادارې (USAID) په مالي او د (DRC) په تخنيکي همکارۍ ددې ولايت د شيګل ولسوالی د برناريت کلی کې بازار ته د بزګرانو د محصولاتو پر وخت رسېدنې او د خلکو تګ راتګ په موخه يو پل په پاخه او اساسي ډول جوړ او د سيمه ييزو چارواکو په شتون کې ګټې اخيستنې ته وسپارل شوه.
د چارواکو په خبره ددې پروژې ټوليز لکښت اوه میلونه افغانۍ ده چې ۷۶ کورنۍ په نېغه او ۵۰ زره کورنۍ په غير مستقيم ډول ترې ګټه پورته کوي.
