خوست کې له يوشمېر بزګرانو سره مرستې وشوې
۱ وری ۱۴۰۲ه.ش
۲۸ شَعبان المُعَظّم ۱۴۴۴ ه.ق
دخوست دکرنې، اوبولګولو او مالدارۍ رياست د پاملرنې مؤسسې په همکارۍ ددې ولايت ۳۰ بزګرانو سره د کرنيزو توکو، تخمونو او کيمياوي سرو مرسته وکړه.
د چارواکو په خبره ددې مرستې په ترڅ کې هر بزګر ته ۷ قلمه کرنيز توکي چې په کې د بنډيو يوه کيلو تخم، ،۲۵ کیلو توره سره، ۲۵ کیلوسپینه سره، ۲ دانې چارۍ، یوه دانه پنجه کش، یوه دانه ۲۰ لیتره دواپاشۍ پمپ، ۵ دانې د حاصل راټولولو پلاستیکي جالۍ، دحشراتو دمخنیوی لپاره سریخ، پلاستیکي پیپ او نور ملحقات شامل دي.
ددې مرستې موخه د بزګرانو ملاتړ او د دوی اقتصادي ودې ته زمينه برابرول دي.
