اروزګان کې د حیواني درمل پلورونکو څارنه و شوه
۲۸ کب ۱۴۰۱ه.ش
۲۶ شَعبان المُعَظّم ۱۴۴۴ ه.ق
د اروزګان دکرنې، اوبولګولو او مالدارۍ ریاست وایي، چې ددې ولایت د مرکز ترینکوټ د حیواني درمل پلورونکو څارنه او کنټرول په موخه پلاوی ټاکل شوې وه، چې د یاد پلاوي له خوا د حیواني درمل پلورونکو هټیو څخه څارنه او کنټرول تر سره شوه.
د اروزګان دکرنې ریاست چارواکي وویل:« د کرنې ریاست اړوند د مالدارۍ خدمتونو او څارویو روغتیا آمر مولوی عبدالعلي حماد د خپل کاری ټیم سره یو ځاي د یو شمېر حیوانې درمل پلورنځیو څخه څارنه وکړه.»
د اروزګان دکرنې ریاست د مالدارۍ خدمتونو او څارویو روغتیا امر مولوی عبدالعلي حماد درمل پلورنځیو مالکینو ته لازمې سپارښتنې وکړې او زیاته یې کړه چې مالدارانو ته د ښه خدماتو عرضه کولو برخه کې باید د درملو کیفیت ته پوره پاملرنه وشي او بې کیفیته درمل باید استعمال نشي.
د اروزګان دکرنې ریاست هلې ځلې کوي، چې د غوره چوپړتیاوو په وړاندې کولو سره په دې ولایت کې د کرنې او مالدارۍ پراختیا ته زمینه برابره کړي.
