د ننگرهار بټي کوټ کې پر یوشمېر بزګرانو کرنیز توکي او تخمونه ووېشل شول
۲۷ کب ۱۴۰۱ه.ش
۲۵ شَعبان المُعَظّم ۱۴۴۴ ه.ق
د ننګرهار دکرنې، اوبولګولو او اومالدارۍ ریاست د (CORDAID) مؤسسې په مالي او د «RRAA» مؤسسې په تخنیکي همکارۍ ددې ولایت د بټي کوټ ولسوالی پر یوشمېر بزګرانو د بنډویو اصلاح شوي تخمونه، کیمیاوي سرې او کرنیز توکي وېشلي دي.
د چارواکو په خبره د یاد توکي، چې ټولیز لګښت یې ۲۳۱ زره افغانۍ کېږي، ددې ولسوالی پر ۳۳ بزګرانو وېشل شوي دي.
ددې مرستې موخه د بزګرانو ملاتړ او په دې ولسوالی کې د سبو کرکیلې ته زمینه برابرول دي.
