د لوګر خروار ولسوالی کې پر یوشمېر بڼوالو مثمر تصدیقي نیالګي ووېشل شول
۲۵ کب ۱۴۰۱ه.ش
۲۳ شَعبان المُعَظّم ۱۴۴۴ ه.ق
د لوګر دکرنې، اوبولګولو او مالدارۍ ریاست چارواکي وایي، چې د سولې بنسټ مؤسسې په مالي همکارۍ ددې ولایت د خروار ولسوالی پر یوشمېر بڼوالو د ۷۰ جریبه ځمکو لپاره د بڼونو جوړولو په موخه دمېوو تصدیقي نیالګي وېشل شوي دي.
د یادو نیالګیو د وېش په موخه جوړه شوې غونډه کې د خروار ولسوالی سرپرست مولوی شیرمحمد حبیب سربېره دلوګر د کرنې مدیریت مسؤولینو ګډون درلود.
په دې پروګرام کې دغه راز د اړوندو چارواکو له خوا بڼوالو ته د بڼونو جوړولو، نیالګیو اېښودولو او د بڼونو څارنې او ساتنې په هکله معلومات هم ورکړل شو.
په وېشل شویو نیالګیو کې دمڼو او بادامو نیالګي شامل وو چې هر بزګر ته له دوه نه تر پنځه جریبه بڼونه پرې احداث کېږي، او موخه یی د بڼوالۍ ترویج ښودل شوی دی.
