لغمان کې دغصب دمخنیوي او غصب شوو ځمکو داسترداد تخنیکي پلاوی ۲۷ مه غونډه
۱۱ کب ۱۴۰۱ه.ش
۹ شَعبان المُعَظّم ۱۴۴۴ ه.ق
لغمان ولایت کې دامارتي ځمکو دغصب دمخنیوي او غصب شوو ځمکو د استرداد تخنیکي پلاوی خپله ۲۷ مه غونډه ددې ولایت دکرنې، اوبولګولو او مالدارۍ رییس الحاج مولوي محمدولي محسن په مشرۍ دده په کاري دفتر کې ترسره کړه.
د غونډې په پیل کې د لغمان دکرنې رییس او د تخنیکي پلاوی مشر مولوي محمدولي محسن لارښوونکې وینا او تیرې غونډې دپریکړو ارزونه وکړه. مولوي محمد ولي محسن لوویل، چې کومې پلانې سیکې او رسمي ښارګوټي چې دغاصبینو له لوري غصب شوي دي باید د دې ملکیتونو د بېرته راګرځولو لپاره خپلې هڅې لا پسې کړندۍ کړو ځکه چې یاد مسولیت عملي کول زموږ لپاره له مهمو دندو څخه ده.
په ورته مهال دتخنیکي پلاوی مسؤلینو دبدیع الزمان، سمیع الله او سیدعلي د لوړپوړو ودانیو دغصب شوې ځمکې له غاصبینو سره وکتل په دې کتنه کې تخنیکي پلاوی د ځمکې تصرف کوونکو اشخاصو څخه په رسمي بڼه په استعلام کې دځمکې په تړاو اړینې پوښتنې وکړې اوهمداراز تخنیکي پلاوی دبلن دمنزلو دځمکې له نوموړومالکانو څخه دځمکې په تړاو د قانوني اسنادوغوښتنه وکړه، چې په ترڅ کې د بلند منزلو له مالکانو له لوري تخنیکي پلاوی ته ټول اړین اسناد وړاندې شول.
دغه راز د تخنیکي ټیم مسؤلینو دعلینګار ولسوالی پورې اړوند د پړوایي سیمې د۱۱۲ جریبه اجاره شوې امارتي ځمکې له څو تنو دعوه لرونکو اشخاصو سره وکتل، چې په دې کتنه کې تخنیکي پلاوی مسؤلینو د نوموړې ځمکې په اړه له دعوه لرونکو اشخاصو څخه یو شمېر اړینې پوښتنې په رسمې استعلام کې وکړې چې یاده موضوع به له دقیقي څیړنې وروسته پرې لازم تصمیم نیول کېږي.
