کندهار کې د امارتي ځمکو د غصب مخنیوی او غصب شویو ځمکو د بېرته راګرځولو تخنیکي پلاوی غونډه دائره شوه
دکندهار ولایت د امارتي ځمکودغصب مخنیوی اوغصب شویوځمکو بېرته راګرځولو تخنیکي ټیم د یاد ټیم رییس مولوي محمود مظلوم په مشرۍ د کندهار دکرنې په ریاست کې غونډه دائره کړه.
په دې غونډه کې د تخنیکي پلاوی غړي، د عدلیې رییس مولوی نورآغا هاشمي، ښاروال حاجي نعمت الله حسن، د استناف څارنوالی رییس مولوی غوث الدین ثاقب، د امنیه قومندانۍ مرستیال ملا نورالله مدثر، د ښار جوړونې رییس مولوی عبدالمتین عاشق، د کدستر آمر احسان الله الهام، د قضایای امارت آمر مولوی تاج محمد خلیلي، د کار او ټولنیزو چارو رییس عبدالخالق عبدالله او د مستوفیت رییس ملا حکمت الله اخند کډون کړی و. د عینو مېنې د سوداګرانو موضوع، مرکزي کمېسیون څخه د اجارې اړوند د راغلي طرزالعمل په اړه بحث، د حاجي امیر لالی د زامنو موضوع ورازول شوه، صنعتي پارک سره د زر جریبه ځمکې پر موضوع بحث او پر کاري پلانونو خبرې اترې د دې غونډې اصلي موضوعات ول
باید وویل شي، چې کندهار کې د ځمکې د غصب مخنیوی او غصب شویو ځمکو د بېرته را ګرځولو د کمېټه تر دې دمه په دې ولایت کې د ډېرو امارتي ځمکو د غصب مخنيوی کړی او د ټول ولایت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
