د هلمند نادعلي کې پر ۷۳ بڼوالو د بڼوالۍ اړونده توکي ووېشل شول

۱ کب ۱۴۰۱ه‍.ش
۲۹ رَجَب المُرَجَّب ۱۴۴۴ ه‍.ق
د هلمند ولایت د کرنې، اوبولګولو او مالدارۍ ریاست لخوا د نادعلي ولسوالۍ هغه بزګرانو ته چې د (AMP) پروګرام له لارې ورته په تېرو دو کلونو کې د تصدیق شوو مېوه لرونکو نیالګیو بڼونه جوړ شوي دي د ښاخبرۍ توکي ووېشل شول.
د غه پروسه د هلمند ولایت کرنې ، اوبولګولو او مالدارۍ ریاست سره د همکارې (ROP-AMP) یاسولې بنیاد موسسې لخوا تمویلیږي چې په څلورو نورو ولسوالیو کې به هم دوام ومومي.
د دې ترڅنګ هغو بڼوالو  ته چې په ګروپي ډول د (AMP) پروګرام لخوا په اوونیز یا میاشتیني ډول د عصری بڼوالۍ زدکړې ورکول کېږي، هم د  ښاخبرۍ وسایل وېشل کېږی .
ددغو مرستو د وېش موخه د بڼوالو ملاتړ او په دې ولایت کې د بڼوالۍ د محصولاتو معیاري کول دي.
له دغو توکو څخه برخمن شوي بڼوال د هلمند د کرنې ادارې له هلوځلو څخه د منني ترڅنګ ژمنه وکړه، چې د بڼوالۍ د حاصلاتو د زیاتوالي په پار به هلې ځلې ډېرې کړي.