دکرنې وزارت مالي او دارې مرستیال د ننګرهار کانال دویم فارم څخه لیدنه وکړه
۱۳ سلواغه ۱۴۰۱ه.ش
۱۱ رَجَب المُرَجَّب ۱۴۴۴ ه.ق
دکرنې، اوبولګولو او مالدارۍ وزارت مالي او اداري مرستیال مولوی فضل الباري فضلي، د یو پلاوي په مشرۍ، ننګرهار ولایت ته د خپل سفر په ترڅ کې د ننګرهار کانال ریاست دویم فارم تاسیساتو څخه له نږدې وکتل او اړوندو چارواکو ته لازمې سپارښتنې وکړې.
ښاغلی فضلي د ننګرهار کانال ریاست اړوند دویم فارم له بېلابېلو سیمو څخه د لیدنې په ترڅ کې اړوندوچارواکو ته لازمې لارښوونې وکړې او ددې ریاست د زرغونتیا او سرسبزۍ په پار په دې سیمه کې نیالګي کېنول.
ددې لیدنې په ترڅ کې د ننګرهار کانال رییس مولوی غلام الرحمن کظیم او ددې ادارې یوشمېر کارکوونکو د مالي او اداري مرستیال مولوي فضل الباري فضلي ملتیا کوله.
دا پلاوي د کرنې، اوبولګولو او مالدارۍ وزیر مولوی عطاءالله عمري د حکم پر اساس ددې وزارت مالي او اداري مرستیال مولوی فضل الباري فضلي په مشرۍ د ننګرها کانال د قرادادونو ارزونې، د ننګرهار کانال سیمې د ځمکو تثبیت او ددې کانال د غصب شویو ځمکو بېرته راګرځولو او دغه راز د نورو ځمکو دغصب مخنیوی، د ننګرهار کانال د پورونو بېرته اخیستنې، چې د مختلفو دلیلونو پر بنسټ تر دې دمه پر پوروړو پاتې دي او د ننګرهار کانال په ساحه کې د نویو عایداتي سرچینو تشخیص په پار ننګرهار ولایت ته سفر کړی دی.
