لوګر کې په ۱۶۰۰ مالدارانو د څارویو خوراکي توکي ووېشل شول
د لوګر دکرنې، اوبولګولو او مالدارۍ ریاست د ملګرو ملتونو دخوړو او کرنې ادارې «FAO» په مالي او د افغانستان راتلونکي نسلونو «FGA» مؤسسې په تخنیکي همکارۍ ددې ولایت د مرکز پل علم او محمدآغې ولسوالی په ۱۶۰۰ مالدارانو د څارویو خوراکي توکي وېشلي دي.
د چارواکو په خبره په دې پروسه کې د لوګر مرکز پل علم او محمدآغې ولسوالی په ۱۶۰۰ مالدارانو پر هر مالدار ۲۰۰ کیلوګرامه د څارویو خوراکي توکي وېشل شوي دي.
ددې مرستې موخه ددې ولسوالی د مالدارانو ملاتړ او د مالدارۍ سکټور پیاوړتیا ده.
باید وویل شي، چې د څارویو د خوراکي توکو د وېش دا لړۍ ادامه لري او د لوګر نورو ولسوالیو ته هم غځېږي.
